Fernand Braudel Center

http://fbc.binghamton.edu/commentr.htm

Coment No. 73, 20 de Setembro de 2001

CUIDADO! ESTADOS UNIDOS PODEM VENCER, E...

" Se [bin Laden] julga que pode fugir e ocultar-se dos Estados Unidos e dos nossos aliados, está terrivelmente enganado [...] Venceremos" (George W. Bush). Há um velho provérbio popular que di: "Tem cuidado com o que desejas, porque pode que o consigas". Tenho poucas dúvidas de que os Estados Unidos podam bombardear o Afeganistám, e provavelmente derrocar os talibám, e possivelmente matar bin Laden. Os Estados Unidos podem vencer. E quê?

Já vencemos umha vez no Afeganistám. Nos anos oitenta, esse país tinha um governo comunista. Os Estados Unidos nom o via com bons olhos e procurou como derrubá-lo. Conseguiu-no. Quais fôrom as conseqüências? Os Estados Unidos propiciárom a vitória dos talibám e de bin Laden, cuja organizaçom foi construída sobre a base dos veteranos treinados pola CIA na luita anti-comunista no Afeganistám. Naquela altura, também havia governos comunistas na Bulgária e no Laos. Os Estados Unidos nom tentou derrocá-los. Actualmente, na Bulgária governa o filho do antigo rei como primeiro ministro, o que nom teria sido um futuro impossível para o Afeganistám. Quanto ao Laos, um país muito pobre em que ainda governam os comunistas, está a abrir-se umha via para a incorporaçom à economia-mundo. Nom é umha ameaça par! a ninguém, nem sequer para os Estados Unidos. Também este nom teria sido um desenlace impossível para o Afeganistám. Mas no Afeganistám os Estados Unidos teimam em vencer.

Como vam vencer os Estados Unidos agora? Mediante umha combinaçom do poderio militar estado-unidense e o apoio de outros países. Os Estados Unidos anunciárom já o seu desejo de que todos os países de Oriente Médio e o mundo mussulmano decidam de parte de quem é que estám e os apoiem incondicionalmente. Aparentemente, o Paquistám mostrou-se de acordo. A política estado-unidense na regiom baseou-se no apoio virtualmente incondicional a Israel, mas também nas torres gémeas da força estado-unidense no mundo islámico, os regimes da Arábria Saudita e o Paquistám.

A Arábria Saudita e o Paquistám tenhem políticas diferentes, distinta localizaçom e histórias muito afastadas entre si, mas partilham duas características: som países poderosos e influentes em toda a regiom e servírom muito bem os interesses estado-unidenses nos últimos decénios. E os regimes de ambos os países baseiam-se numha coligaçom de apoio pró-ocidental das elites modernizantes e um establishment islámico extremamente conservador e com umha base popular. Esses regimes mantivérom a sua estabilidade porque fôrom capazes de gerir essa combinaçom, e pudérom fazê-lo graças à ambivalência da sua política e dos seus pronunciamentos públicos.

Os Estados Unidos di-lhes agora que já está bem de ambigüidades. Os Estados Unidos podem vencer, sem dúvida. Mas nesse processo, os regimes da Arábia Saudita e o Paquistám podem ver irremediavelmente erosionada a sua base popular. Podem desabar, como figérom as Torres Gémeas de Nova Iorque. Em tal caso, como aconteceu com as Torres Gémeas, podem levar por diante outros prédios mais pequenos e enfraquecer os alicerces de muitos mais. Os Estados Unidos podem chegar a lamentar os dia em que Assad, Gaddafi, Arafat e até Saddam Hussein nom estejam já no poder. Os seus sucessores podemmostrar um anti-americanismo mais fero, já que a diferença dos mencionados, talvez nom partilhem valores modernistas com os Estados Unidos.

Pensemos que esse podeia ser o plano de bin Laden. A sua própria missom suicida teria consistido em arrastar os Estados Unidos para essa armadilha.

Immanuel Wallerstein (20 de Septembro de 2001).

Copyright by Immanuel Wallerstein. All rights reserved. Permission is granted to download, forward electronically or e-mail to others and to post this text on non-commercial community Internet sites, provided the essay remains intact and the copyright note is displayed. To translate this text, publish it in printed and/or other forms, including commercial Internet sites and excerpts, contact the author at iwaller@binghamton.edu; fax: 1-607-777-4315.

These commentaries, published twice monthly, are intended to be reflections on the contemporary world scene, as seen from the perspective not of the immediate headlines but of the long term.

Translated for REDE BASCA VERMELHA by PRIMEIRA LINHA.